កម្មពិធីបើកវគ្គបណ្តុះបណ្តាលវិជ្ជាជីវៈទេសចរណ៍ខេត្តកែប

ពិធីបើកវគ្គបណ្តុះបណ្តាលវិជ្ជាជីវៈទេសចរណ៍ ជំនាញម្ហូបអាហារ ភេសជ្ជៈ និងមេចុងភៅ នៅសណ្ឋាគារ សឹង្គហមិត្ត ទីរួមខេត្តកែប។ ក្រោមអធិបតីភាព លោកជំទាវ អ៊ុល ភីរុណ អភិបាលរងនៃគណៈអភិបាលខេត្តកែប និងលោកជំទាវ ឧកញ៉ា ឆាយ ស៊ីវលីន ប្រធានសមាគមទេសចរណ៍កម្ពុជា (CATA)។

វគ្គបណ្តុះបណ្តាលនេះរៀបចំដោយសហការជាមួយក្រសួងទេសចរណ៍ គាំទ្រដោយរដ្ឋបាលខេត្តកែប ផ្តល់ជំនួយដោយមូលនិធិអភិវឌ្ឍជំនាញ (SDF) និងអនុវត្តដោយសមាគមទេសចរណ៍កម្ពុជា។ គម្រោងនេះមានគោលបំណងបង្កើនសមត្ថភាពបុគ្គលិកក្នុងវិស័យទេសចរណ៍ និងជំរុញការអភិវឌ្ឍវិស័យទេសចរណ៍ក្នុងតំបន់។