ខេត្តកំពត : វាលស្រែអំបិល

​ខេត្ត​កំពត​ជាប់​មាត់សមុទ្រ​របស់​កម្ពុជា​មើលឃើញ​សក្ដានុពល​នៃ​ស្រែអំបិល​របស់​ខ្លួន​ជា​កន្លែង​ទាក់ទាញ​ទេសចរណ៍​មួយទៀត​។​មន្ទីរ​ទេសចរណ៍​ខេត្ត​កំពត​បាន​ចែករំលែក​ការ​កត់​សម្គាល់​នេះ​ ​បន្ទាប់ពី​បាន​សង្កេតឃើញ​ការ​កើន​ឡើង​នៃ​ដំណើរ​ទេសចរណ៍​ទៅកាន់​ស្រែអំបិល​ ​ដែល​ជំរុញ​ឱ្យ​អ្នកស្រុក​បង្កើត​ហាង​អាហារ​ ​និង​ភេសជ្ជៈ​ ​រួម​ជាមួយនឹង​សេវាកម្ម​ទេសចរណ៍​ផ្សេងៗ​ទៀត​តាម​តម្រូវ​ការ​។​​លោក​ក៏បាន​បង្ហាញ​ពី​ចក្ខុវិស័យ​របស់​ថ្នាក់​ដឹកនាំ​ខេត្ត​ ​ក្នុង​ការ​ប្រែក្លាយ​ស្រែអំបិល​ឱ្យ​ទៅជា​តំបន់​ក​សិ​ទេសចរណ៍​មួយផ្សេងទៀត​។​

​គុណសម្បត្តិ​រួម​មាន​ ​ទីតាំង​ស្រែអំបិល​ ​ដែល​នៅ​ជិត​ទីរួមខេត្ត​ ​ឆ្នេរសមុទ្រ​ ​និង​ជា​កំពង់ផែ​ទេសចរណ៍​ដែល​នឹង​ដំណើរការ​នា​ពេល​ខាងមុខនេះ​។​ជាមួយនឹង​ការ​កើន​ឡើង​នៃ​ចំនួន​ភ្ញៀវ​ទេសចរ​ ​ជាពិសេស​ភ្ញៀវ​ទេសចរ​បរទេស​។ គ្រប់ភ្ញៀវទេសចរទាំងអស់ចូលចិត្តឈ្វែងយល់ពីការដំណើរការផលិតអំបិលតាមបែបប្រពៃណី។ លើសពីនេះ ពួកគេតែងតែចំណាយពេលតិចតួច ចូលរួមក្នុងសកម្មភាពផលិតអំបិលជាមួយកសិករខ្មែរដូចជា ការរែក និងវាចអំបិលជាដើម។ រដូវប្រាំង គឺជាពេលវេលាដ៏ល្អសម្រាប់ការផលិតអំបិល ព្រោះថាមិនមានភ្លៀងលាយលំធ្វើឱ្យថមថយកម្រិតជាតិប្រៃនៃទឹកសមុទ្រ។ ម្យ៉ាងទៀត អាកាសធាតុក្ដៅ ក៏ធ្វើឱ្យអំបិលដុះលឿនផងដែរ។ ការផលិតអំបិល អាចចាប់ផ្ដើមពីខែតុលា រហូតដល់ខែឧសភា។ នេះបើតាមកសិករ។ខេត្តកំពតមានស្រែផលិតអំបិលសរុប ៣ ៤៨៩ ហិកតា មានឃ្លាំងស្តុកអំបិលចំនួន៥៦០កន្លែង ដែលផ្តល់ការងារដល់ពលរដ្ឋចំនួន ១ ៤៧៤នាក់។ កសិដ្ឋានផលិតអំបិលក្នុងខេត្តនេះ ដំណើរការបានរយៈពេល៤ទៅ៦ខែក្នុងមួយឆ្នាំ អាស្រ័យលើអាកាសធាតុ និងផ្តល់ទិន្នផលអំបិលប្រមាណ ១០ម៉ឺនតោនក្នុងមួយឆ្នាំ។