ខេត្តព្រៃវែង : សហគមន៍ទួលព័ន្ធតាឡីបឹងស្នេហ៍

សហគមន៍ទួលព័ន្ធតាឡីបឹងស្នេហ៍ តំបន់ទេសចរណ៍បែបធម្មជាតិ ក្នុងភូមិកំពង់ស្នេហ៍ ឃុំធាយ ស្រុកបាភ្នំ ខេត្តព្រៃវែង ។ តំបន់នេះ ជាកន្លែងសម្រាកកំសាន្តនិងជាបឹងប្រវត្តិសាស្ត្រដែលផ្សាភ្ជាប់ជំនឿមានព្រលឹងអរូបិយ «អ្នកតាព័ន្ធតាឡី» និងបានទ្រទ្រង់ដល់វត្តមានសត្វស្លាបជាច្រើនប្រភេទរួមមានប្រភេទទទួលរងការគំរាមកំហែង និងជិតផុតពូជលើពិភពលោកដែលមានតម្លៃខ្ពស់សម្រាប់ការអភិរក្សជាអន្តរជាតិ។ ពិសេសទីនេះ​ ជាទីសំចតរបស់ប្រភេទសត្វស្លាបទេសសន្តរប្រវេសន៍មកស្នាក់នៅនិងរកចំណីបណ្តោះអាសន្ន ជាតំបន់ដែលមានជម្រកពងកូនសត្វស្លាបទឹកធំជាងគេទី២នៅប្រទេសកម្ពុជាបន្ទាប់ពីតំបន់រ៉ាមសារព្រែកទាល់ ។